Taith Wanwyn Cyw a Twf – Cyw a’i Ffrindiau
Bu Cyw ei hun, Sali Mali, Twm Tisian a Tigi, pob un ohonynt yn ffefrynnau ar ddarpariaeth S4C i blant bach, yn mwynhau picnic arbennig yn y sioe, ac roedd Rachel Solomon, un o gyflwynwyr gwasanaeth Cyw, hefyd yn rhan o’r hwyl.
Roedd y sioe yn rhan o daith genedlaethol Twf a S4C, taith sy’n digwydd yn flynyddol erbyn hyn. Roedd hi’n grêt gweld cymaint o rieni a phlant bach wedi dod i fwynhau’r sioe ac roedd yn gyfle da i Twf i rannu’i neges gyda’r rhieni am werth cyflwyno’r Gymraeg yn y cartref. Rydym yn gweld cymaint o rieni bellach sydd mor frwd dros roi’r Gymraeg i’w plant wrth iddyn nhw sylweddoli fod siarad dwy iaith yn beth da. Gwaith Twf yn y sefyllfa yma yw rhoi cyngor ymarferol iddynt.