Nain a Taid
Os ydych chi'n Nain neu'n Daid, gallwch chi roi help llaw i'ch plant i fagu’u plant hwy yn ddwyieithog. Mae nifer o achosion yng Nghymru lle mae'r Neiniau a'r Teidiau yn helpu i drosglwyddo’r Gymraeg i’w hwyrion mewn cartrefi cymysg eu hiaith.
Dyma gynnig rhai ffyrdd y gallwch chi helpu'ch teulu i drosglwyddo'r Gymraeg i'ch hwyrion:
- Siarad Cymraeg gyda'ch hwyrion ar bob achlysur
- Canu hwiangerddi Cymraeg gyda'r plant
- Gwrando ar CDs Cymraeg yn y tŷ neu wrth fynd yn y car gyda'r plant
- Chwarae gemau yn Gymraeg
- Darllen llyfrau Cymraeg gyda'ch hwyrion. Mae digonedd ar gael yn eich llyfrgell leol.
- Mynychu digwyddiadau Cymraeg gyda'ch hwyrion
Os hoffech glywed am hanesion teuluoedd eraill, yna cliciwch ar y bocs Cyhoeddiadau ar y dde i ddarllen Nain-Iaith hanes teulu Brenda Jones a'r ffordd y mae hi yn helpu i drosglwyddo'r Gymraeg i'w hŵyr.